Albania
I frymëzuar nga kontrastet mahnitëse të natyrës, Sportage i ri hibrid mishëron një vizion të guximshëm për të ardhmen, ku fuqia takohet me elegancën.
Interiori i tij i gjerë dhe fleksibël, së bashku me teknologjitë e avancuara, e përmirësojnë çdo udhëtim. Në dispozicion edhe me motor me djegie të brendshme (ICE) dhe si hibrid plug-in (PHEV).
Parakolpi i ri mbresëlënës dhe grila i japin makinës një pamje të sigurt, ndërsa dritat LED të ditës Star Map përshtaten në mënyrë të përkryer në dizajnin e përgjithshëm me një efekt të fortë vizual. Hapja e madhe dhe e gjerë e ajrit thekson karakterin sportiv të veturës, ndërsa çatia dyngjyrëshe – në të zezë me shkëlqim, në kontrast me ngjyrën e karrocerisë – shton një prekje elegance që nuk kalon pa u vëne re.
Mbrojtësit anësorë dhe detajet e reja theksojnë siluetën dinamike dhe forcojnë karakterin e sigurt të makinës. Linja e zezë që kalon poshtë dritareve është karakteristike për modelin GT-Line. Ngjyrat e reja si Magma Red dhe Wolf Grey i japin dizajnit një pamje moderne dhe elegante.
Drita e re kombinuese e pasme me dizajn unik Star Map të magjeps në shikim të parë. Prapakolpi i ridizajnuar dhe mbrojtësja e poshtme theksojnë karakterin robust dhe futuristik. Fshirësi i pasmë është fshehur në mënyrë elegante në spoilerin e çatisë, duke krijuar një pamje të pastër dhe të sofistikuar.
Zgjidh stilin tuaj me disqe alumini prej 17”, 18” ose 19”, duke përfshirë modelin GT-Line. Disqet 19” theksojnë si performancën ashtu edhe dizajnin, për një balancë perfekte mes elegancës dhe sportivitetit.
Qendroni rehat në kabinë dhe shijoni emocionin që krijojnë ekranet e integruara të lakuara, të cilat e vendosin shoferin në qendër të përvojës. Ventilimi i fshehur elegant shtrihet përgjatë panelit të instrumenteve, duke theksuar pamjen e pastër dhe moderne. Teknologjitë më të fundit dhe ndriçimi ambient krijojnë një përvojë të këndshme në makinë.
Dimensione më të mëdha në të gjitha drejtimet: Interiori i rafinuar ofron gjithë hapësirën që ju nevojitet, ndërsa pasagjerët në rreshtin e dytë gëzojnë hapësirë të bollshme për këmbët. Ka gjithashtu mjaft hapësira të menduara mirë për ruajtjen e sendeve për të gjithë.
Volani i ri me dy krahë është i disponueshëm si në versionin bazë ashtu edhe në GT-Line, ky i fundit me kombinim unik të ngjyrave bardhë e zi. Interiori është pasuruar me përfundime luksoze alumini, të kombinuara me motive moderne teknike në konsolë dhe panelet e dyerve.
Opsione dinamike të ngjyrave të interiorit sjellin gjallëri dhe energji, me paketën elegante bardhë e zi ekskluzive për GT-Line. Disponohet edhe paketa Gentle Brown si dhe opsione me lëkurë artificiale dhe material semi-suede.
Paneli 12,3” dhe ekrani LCD me prekje 12,3” me rezolucion të lartë, të dy të lakuar drejt shoferit. Kombinojnë navigacionin, infotainment-in dhe menutë me kontrolle të thjeshta, për një përvojë të plotë dhe të thellë.
Mbajeni telefonin tuaj gjithmonë të karikuar me karikuesin wireless 15W. Pasagjerët e pasmë gjithashtu mund të karikojnë pajisjet e tyre falë porteve USB-C me karikim të shpejtë të vendosura pas sediljeve të përparme.
Sportage i ri ofron një gamë të gjerë motorësh të fuqishëm dhe efikas – përfshirë Sportage-in hibrid elektrik (HEV). Me teknologji të avancuar HEV, ofron përvojë pa kompromis dhe është miqësor me ambientin. Së shpejti do të jetë në dispozicion edhe si hibrid plug-in (PHEV), duke zgjeruar edhe më tej gamën e motorëve.
Qoftë në qytet, në udhëtime të gjata apo aventura, Sportage i ri ofron performancë të gjithanshme, ekonomi të mirë dhe kënaqësi rrugë – gjithashtu i disponueshëm në versionin GT-Line.
Sportage i ri e çon përvojën tuaj të drejtimit në një nivel më të lartë me funksionet më moderne të sigurisë dhe risitë teknologjike. Është i pajisur me sistemet më të reja të asistencës për shoferin, që ju ndihmojnë të shmangni rreziqet e mundshme, ju ofrojnë më shumë kontroll në rrugë dhe ju ndihmojnë edhe gjatë parkimit.
Qëndroni të sigurt: BCA ju paralajmëron nëse gjatë ndryshimit të korsisë ka automjet në këndin tuaj të verbër. Nëse zbulon rrezik përplasjeje gjatë daljes nga parkimi paralel, aktivizon frenimin emergjent për të shmangur aksidentin.
Kur ndërroni korsi, sistemi lëshon një paralajmërim nëse ekziston rreziku i përplasjes me një automjet në korsinë ngjitur ose në këndin e vdekur pas jush. Nëse rreziku i përplasjes rritet edhe pas paralajmërimit fillestar, drejtimi i timonit do të rregullohet automatikisht për t’ju ndihmuar të shmangni përplasjen.
Kur kaloni një kryqëzim, sistemi lëshon një paralajmërim nëse ekziston rreziku i përplasjes me një automjet që vjen nga e majta ose e djathta. Nëse rreziku i përplasjes rritet edhe pas paralajmërimit fillestar, sistemi ndihmon automatikisht me frenim ose rregullim të drejtimit për të parandaluar aksidentin.
Asistenti i parkimit për përpara, anash dhe prapa e bën parkimin më të lehtë. Zbulon këmbësorët ose pengesat pranë dhe nëse rreziku rritet, aktivizon frenimin emergjent për mbrojtje shtesë.
Parkoni pa stres. Me këtë funksion, Sportage parkon vetë – përpara ose prapa – duke përdorur çelësin smart. Nëse keni nevojë ta parkoni ose nxirrni veturën ndërsa jeni jashtë saj, thjesht përdorni çelësin për ta lëvizur përpara ose prapa.
© 2026 Kia Albania | [email protected]
Nis pamjen 360°
Test drive
Katalogu